Kryetari i LDK-së, Isa Mustafa priti në takim Përfaqësuesin Special të BE-së për dialogun Kosovë – Serbi dhe Çështje të tjera Rajonale të Ballkanit Perëndimor, Miroslav Lajçak.
Gjatë takimit u diskutua për procesin e dialogut në mes të Kosovës dhe Serbisë, ku sipas komunikatës për media nga LDK thuhet se Mustafa ka shprehur qëndrimin e LDK-së lidhur me këtë proces.
Sipas komunikatës, thuhet se Mustafa ka theksuar rëndësinë e dialogut dhe përmbylljen e tij me njohje të ndërsjellët. Mes të tjerash, Mustafa vlerëson se arritja e kësaj marrëveshjeje hap një kapitull të ri drejt normalizimit të raporteve mes të dyja vendeve, do të siguronte stabilitet rajonal, ndërsa Kosova hap rrugët drejt integrimit euroatlantik.
