Që nga orët e mëngjesit e deri më tani, në Qafë Thore të Thethit, në qarkun Shkodër, një varg automjetesh ka mbetur i bllokuar për shkak të reshjeve të dëborës (foto nga rruga me borë).
Sipas drejtuesve të mjeteve, mjetet borëpastruese nuk kanë qenë në terren që nga mesdita dhe rruga nuk po pastrohet.
Shoferët bëjnë me dije se u është kërkuar pagesë për të ndërhyrë dhe për të pastruar rrugën, ndërsa ata vijojnë të mbeten të bllokuar në kushte të vështira.
Ata shprehen gjithashtu se “një person me fuoristradë u ka ardhur duke u thënë se po të paguanin 200 mijë lekë të vjetër do i kalonte ai matanë rrugës”. /Panorama
