BERLIN, 16 shkurt 2013 – Regjisori Calin Peter Netzer është triumfuesi i festivalit të filmit në Berlin me filmin “Child's pose”. Netzer fitoi çmimin “Ariu i artë”, ndërsa Denis Tanovic rrëmbeu “Ariu i argjentë” për filmin “Un episodio della vita di un cacciatore di ferraglia”.
Çmimi për skenarin më të mirë iu akordua regjisorit iranian Jafar Panahi për filmin 'Closed Curtain'. Megjithë apelin e bërë nga shteti gjerman autoritetet iraniane nuk e lejuan regjisorin Panahi të ishte i pranishëm në Berlin për të tërhequr çmimin.
Ndërkohë aktorja kilene Paulina Garcia fitoi “Ariu i argjentë” si aktorja më e mirë e edicionit të 63-të të Berlinales. Garcia interpretonte në filmin 'Gloria' të Sebastian Lelio-s.
