Piktori i njohur, Koço Ristani, ka humbur jetën ditën e sotme pasi vuante nga një sëmundje e pashërueshme. Ristani lindi më 8 maj të vitit 1943, ndërsa që fëmijë u apasionua pas pikturës.
Por, pikturat nuk ishin i vetmi pasion i Ristanit, pasi ai njihej edhe si skenograf, kostumograf, grafist, dhe restaurator i veprave të artit mesjetar.
Ristani studimet i kreu në liceun Jordan Minstja, ndërsa kolegët e kujtojnë atë si një nga figurat kryesore të pikturës jo vetëm në Korçë, por edhe në Shqipëri.
Piktori korçarë ka marrë pjesë në shumë ekspozita kombëtare, ku veprat e tij janë vlerësuar gjithmonë për mesazhet që transmetonte. Veprat e tij janë ekspozuar edhe në ekspozita ndërkombëtare, si në Rusi, Suedi, Gjermani, Greqi e Maqedoni.
Koço Ristani, ishte një artist origjinal që vërtetësinë e figurës njerëzorë diti ta interpretojë artistikisht, duke vendosur aty frymëzimin e tij, me një etikë estetike bashkëkohore.
