Ndahet nga jeta në moshën 81-vjeçare mjeku i njohur, Dr. Memo Boçi.
Lajmin e ka dhënë një tjetër mjek përmes një postimi në Facebook, eksperti i shëndetit publik, Erion Dasho.
Ai shkruan se Dr.Memo drejtoi për 14 vjet sektorët e higjienës dhe epidemiologjisë në shkallë vendi.
POSTIMI I PLOTË
In memoriam: Dr. Memo Boci (1939-2020)
Dje humbi jetën Dr. Memo Boci. Për brezin e ri të mjekëve dhe infermierëve, ndoshta një emër i panjohur, por për brezat e atyre që u arsimuan ose punuan si bluza të bardha para viteve ’90, një personalitet shumë i njohur dhe i vlerësuar.
Në pozicionin e Drejtorit të Përgjithshëm të Ministrisë së Shëndetësisë, Dr. Memo drejtoi për 14 vjet sektorët e higjienës dhe epidemiologjisë në shkallë vendi. Ata që punuan me të gjatë atyre viteve, shprehen me superlativa për doktorin si drejtues modern dhe vizionar.
