Është ndarë nga jeta në moshën 76-vjeçare piktori i njohur korçar Sotiraq Xega, një prej piktorëve më të mirë të peizazhit.
Lajmin e hidhur e kanë bërë me dije familjarët e tij, teksa në profilin e piktori në Facebook kanë vendosur edhe një shirit të zi.
Xega ishte një nga piktorët më të mirë dhe më të njohur në qytetin e Korçës.
Piktori korçar, hidhte me penel mbresat dhe përshtypjet e tij për bukuritë e natyrës në punime me dimensione të vogla. Në punimet e tij, artisti luante me ngjyrat dhe dimensionet duke sjellë një stil të papërsëritshëm.
