Deputetët e Partisë Demokratike Flamur Noka dhe Luan Baçi kanë bllokuar foltoren e Kuvendit, duke kërkuar shpjegime nga kryetarja Lindita Nikolla se pse i ka hequr nga grupi parlamentar i PD.
Gjatëreplikës Nikolla tha se ky është një vendim i grupit parlamentar të PD-së dhe nuk është ajo që ka bërë këtë veprim.
Dy deputetët paralajmëruan padi në Gjykatën Kushtetuese për këto akte, që sipas tyre implikon kryetaren e parlamentit.
Sipas tyre, këto veprime synojnë të mbajnë peng opozitën. Këto veprime bënë që kryetarja e Kuvendit të ndërpresë seancën plenare për dhjetë minuta.
