Një punonjës i Shërbimit Privat të Sigurisë Fizike, ka ndërruar jetë mbrëmjen e sotme në spital, pasi ka rënë në kontakt me rrymën elektrike.
Policia bën me dije se 56-vjeçari me iniciale H.D., ishte paraqitur në spital për ndihmë mjekësore pasi dyshohet se gjatë orarit të punës, ka rënë në kontakt me rrymën elektrike në një kabinë elektrike disa metra larg vendit ku kryente shërbimin.
Si pasojë e dëmtimeve të marra, 56-vjeçari ka ndërruar jetë në spital.
Njoftimi i policie:
Tiranë/Informacion paraprak
Më datë 09.11.2024, është paraqitur në spital për ndihmë mjekësore shtetasi H. D., 56 vjeç, punonjës i Shërbimit Privat të Sigurisë Fizike, i cili dyshohet se gjatë orarit të punës, ka rënë në kontakt me rrymën elektrike në një kabinë elektrike disa metra larg vendit ku kryente shërbimin. Si pasojë e dëmtimeve të marra ky shtetas ka ndërruar jetë në spital.
Grupi hetimor po punon për sqarimin e rrethanave të ngjarjes.
