Ndjekje si nëpër filma, ku një helikopter i Guardia di Finanza-s përpiqet të ndalë një gomone me motor me super fuqi të trafikantëve të drogës.

Si rezultat, motoskafi i ngarkuar me gati 2 tonë drogë është sekuestruar në brigjet italiane, në Vieste dhe në pranga ranë dy shqiptarë.

Operacioni është ndërmarrë në mëngjes kur është sinjalizuar për një gomone që vinte nga Shqipëria drejt brigjeve të italisë. Menjëherë kanë nisur kërkimet. 

Media italiane shkruan se në operacion janë angazhuar dhe helikopterë të Guardia di Financa si dhe motoskafë të rojeve kufitare.

"Një kontroll i shpejtë ka mjaftuar për të kuptuar se bëhej fjalë për marijuanë, ndoshta nga ajo e prodhuar në Shqipëri, që tashmë është kthyer në prodhuese kryesore të kësaj droge në tregun kombëtar", shkruan sot ilmessaggero.it.