Sapo nxënësit e klasave të nënta i janë nënshtruar provimit kombëtar të minimaturës, në rrjetet sociale janë publikuar tezat me pyetjet.
Tezat janë publikuar nga një faqe në rrjetet sociale, të cilat duket se janë dërguar nga vetë nxënësit. Mesa duket, ata kanë mundur t’i shpëtojnë kontrollit dhe të marrin celularin me vete në provim, edhe pse është e palejueshme.
E njëjta gjë ndodhi edhe me provimet e maturës shtetërore, ku tezat janë publikuar në rrjetet sociale, para se të përfundonte orari zyrtar i provimit.
