Trupat tashmë të mumifikuar të dy bashkëshortëve të moshuar u gjetën sot në një shtëpi në Campoformido të Udine në Itali, raporton agjencia italiane e lajmeve “Adnkronos”.

Policia tha se vdekja mund të datojë në vjeshtën e kaluar dhe mund t’i atribuohet një rrjedhjeje fatale gazi.

Alarmi është ngritur vetëm orët e fundit nga një i afërm, i cili nuk ka mundur të kontaktojë me bashkëshortët, të dy mbi shtatëdhjetë vjeç, që banonin në shtëpi.

I afërmi deri më tani nuk ishte shqetësuar, pasi duket se çifti kalonte periudha të gjata jashtë vendit dhe kishte menduar gjithë këto muaj se ishin sërish jashtë vendit.