Ministri i Fixhit, Inia Seruiratu, ka thënë të shtunën se ndryshimet klimatike janë kërcënim më i madh sesa lufta.
Fixhi është një vend në Paqësorin Jugor dhe kërcënohet shumë nga ndryshimet klimatike.
Këto komente Inia Seruiratu i bëri gjatë një samiti aziatik që po mbahet në Singapor.
“Mitralozat, avionët luftarakë nuk janë shqetësimi ynë kryesor i sigurisë. Kërcënimi i vetëm më i madh për vetë ekzistencën tonë është ndryshimi i klimës”, ka thënë ai.
Ai foli për pasojat që po shkaktojnë e do të pasojnë nga ndryshimet klimatike.
“Kjo kërcënon vetë shpresat dhe ëndrrat tona për prosperitet. Ndryshimet klimatike shkatërruese të shkaktuara nga njerëzit”.
E për ndryshimet klimatike organizohen forume mes fuqive të mëdha për ta shmangur rrezikun që shkaktojnë këto ndryshime në planet.
