Një shqiptar ka rënë në prangat e policisë italiane, pasi ishte dënuar për vjedhje. Mediat italiane bëjnë të ditur se me 16 qershor, autoritete italiane arrestuan një shqiptar i cili ishte në arrati që prej vitit 2020. Ai u dënua me dy vjet e dy muaj burg për kryerjen e disa vjedhjeve. Gjithashtu një urdhër arresti ishte lëshuar nga prokuroria publike në Nocera Inferiore, Itali.
Pas hetimeve të plota, efektivët e rendit e gjetën burrin në një apartament në Merano. Ai ishte kthyer në vend që nga viti 2019, viti i dënimit dhe dëbimit të tij të parë. I arrestuari ishte veçanërisht i njohur në provincat italiane të Napolit, Salerno dhe Benevento për vjedhjet e shtëpive. Kur u arrestua, ai iu dorëzua oficerëve pa rezistencë. Pas arrestimit, ai u dërgua në një komisariat në Meran dhe më pas u transferua në institucionin korrektues të Bolzanos.
