Në Chicago temperaturat kanë zbritur në -50 gradë celcius, si pasojë e erërave të ftohta që vijnë nga Arktiku.

Prova e të ftohtit ekstrem duket në videot e shpërndara në rrjetet sociale, ku shumë persona argëtohen me eksperimentin e ujit të nxehtë.

Njerëzit hedhin në ajër ujë të nxehtë dhe rezultati është ngrirje e menjëherëshme dhe avullim i tij.

Duke patur parasysh temperaturat ekstremisht të ulëta, mjaftojnë 10 minuta për të rrezikuar të ngrish.

Madje, edhe flluskat e sapunit ngrijnë në çast.

Në disa vende të SHBA-së bën më ftohtë se në polin e Veriut. Një i ftohtë i tillë nuk ndodhte që në vitin 1963.