Jennifer Lopez është shfaqur pak ditë më parë në palestër me një aksesor që është në duart e të paktëve dhe të elitës.
Ylli 54-vjeçar shihet e veshur me atlete dhe me një kostum grijë për t’u stërvitur dhe për aksesorë zgjodhi çantën Hermès Himalayan Birkin, e cila kushton rreth 200 mijë dollarë, ndërsa versioni i saj me diamante në mbylljen metalike, sot mund të arrijë deri në gjysmë milioni dollarë, po të kemi parasysh se dy vite më parë një model i tillë u shit në ankand për 450 mijë dollarë.
Një model i rrallë çanta, Himalayan Birkin është përgatitur nha copa të kufizuara që janë lyer me dorë me një teknikë specifike në mënyrë që ngjyrat e formuara në lëkurë të kujtojnë majat e larta të Himalajeve. Çanta është prej lëkure krokodili të Nilit dhe në versionin e saj më të shtrenjtë ka rreth 24 diamante mbi të, në total më shumë se 9 karat.
Sigurisht, duke qenë se po flasim për Jennifer Lopez, ajo nuk ka ngurruar ta mbajë këtë çantë në palestër, ku zakonisht shkojmë me një çantë shpine të thjeshtë. Ajo ka një koleksion të madh të çantave Birkin, ndaj i përdor në çdo mënyrë të mundshme.
