Vaksina kundër COVID-19 në Spanjë nuk është e detyrueshme e megjithatë do të krijohet një regjistër i njerëzve që refuzojnë të vaksinohen dhe do ta ndajnë atë me vendet e tjera të Bashkimit Evropian, tha ministri i shëndetësisë Salvador Illa. Ai theksoi se tha se lista nuk do të jetë publike për publikun e gjerë dhe për punëdhënësit.
“Ajo që do të bëhet është një regjistër i të gjithë personave të cilëve u është ofruar vaksina e dhe e kanë refuzuar atë, i cili do të ndahet me partnerët tanë evropianë. Nuk është një dokument i cili do të bëhet publik dhe do të ruhet me respektin maksimal për mbrojtjen e të dhënave. Duke theksuar se mënyra për të mposhtur virusin ishte vaksinimi i të gjithëve pasi sa më shumë njerëz të vaksinohen aq më mirë do të jetë.”
Illa tha se njerëzit do të kontaktohen nga autoritetet rajonale kur të jetë radha e tyre për të marrë vaksinën.
“Njerëzit që vendosin të mos vaksinohen, gjë që ne mendojmë se është një gabim, janë brenda të drejtave të tyre. Ne do të përpiqemi tu largojmë dyshimet. Vaksinimi shpëton jetë, është rruga e vetme për të shpëtuar nga kjo pandemi.”
Spanja ka qenë një nga vendet në Evropë më të prekura nga virusi dhe ka filluar vaksinimin me Pfizer dhe Biontech njëjtë me vendet e tjera të BE. Sipas një sondazhi të fundit, numri i qytetarëve spanjollë që kanë thënë se nuk do të marrin vaksinën ka rënë në 28% nga 47% në nëntor.
Spanja është nën një shtetrrethim mbarëkombëtar, midis orës 23:00 dhe 06:00, deri në fillim të majit. Në shumë vende, njerëzit lejohen të dalin në atë kohë për të shkuar në punë, për të blerë ilaçe, ose për t’u kujdesur për të moshuarit ose fëmijët.
