Dëshira për ta parë djalin pranë vetes dhe të lirë e mori në qafë një nënë 51-vjeçare. Ajo u përpoq të hapte në mënyrë të fshehtë një tunel për të liruar djalin e saj nga burgu, por tani po përballet edhe vetë me dënim me burg.

Gruaja 51-vjeçare, kishte marrë me qira një shtëpi pranë burgut në rajonin jugor të Zaporizhia, në Ukrainë ku djali i saj po vuan një dënim të përjetshëm.

Ajo më pas përdori lopata për të gërmuar një tunel 35 metra të thellë në një fushë aty pranë nën muret e burgut.

Gruaja kishte gërmuar rreth tre tonë tokë, në kohën kur u kap dhe u arrestua, disa javë pasi filloi planin e saj.