Kur i hiqni çorapet në fund të një dite të gjatë , bëni një kontroll të vogël për të parë se çfarë po ndodh me këmbët tuaja.
Këtu janë tre gjëra që këmbët tuaja mund t’ju tregojnë për shëndetin tuaj.
- Gishtat e mpirë:
“A e keni humbur ndonjëherë ndjenjën në gishtat e këmbëve? Apo i keni hequr ndonjëherë çizmet në një dimër me dëborë dhe keni vënë re se gishtat e këmbëve janë zbardhur? Kjo mund të jetë një shenjë e një problemi me qarkullimin e enëve të gjakut”, thotë Melissa Lockwood, anëtare e bordit të pediatëve e certifikuar nga Kolegji Amerikan i Mjekësisë Parandaluese.
Për shembull, “shumë paciente femra vuajnë nga sindroma e Raynaud. “Sindroma e Raynaud është një gjendje në të cilën pjesë të caktuara të trupit (zakonisht këmbët dhe duart) bëhen të ftohta ose mpihen kur ekspozohen ndaj temperaturave të ftohta. Nëse keni këtë ose probleme të tjera të qarkullimit të gjakut, nuk ka nevojë për panik, thotë Lockwood, dhe nuk është e dëmshme të konsultoheni me një mjek dhe të merrni masa paraprake si veshja e dorezave dhe çorape të trasha kur pritet të jetë ftohtë jashtë.
- Mpirje në këmbë:
Nëse keni ndjerë ndonjëherë një ndjesi shpimi gjilpërash në këmbë, mund të jetë një shenjë e diabetit. “Ndonjëherë një pediatër është i pari që diagnostikon diabetin”, shpjegon Lockwood. Ajo që pacientët nuk e kuptojnë, sipas Lockwood, është se këto mund të jenë simptoma të neuropatisë periferike (dëmtim nervor në ekstremitete ) dhe arsyeja më e zakonshme për këtë është diabeti.
- Thonjtë të brishtë që thyhen lehtësisht:
Megjithatë, thonjtë e këmbëve mund të tregojnë shumë për kushtet shëndetësore. Sipas Lockwood, një pediatër mund të tregojë nëse një pacient ka një histori të helmimit nga plumbi ose mungesë vitamine vetëm duke parë thonjtë. Për shembull, nëse jeni anemikë, thonjtë tuaj do të jenë shumë të brishtë. Gjendja e thonjve mund të tregojë gjithashtu çrregullime të sistemit tiroide ose endokrin.
