Nga Stambolli në Tiranë, kapen 184 “Iphone” e “Samsung” kontrabandë në Rinas

Policia e Shtetit ka bllokuar sot në pikën kufitare të Rinasit 184 telefona celularë të markave “Iphone” dhe “Samsung”.

Mësohet se Strukturat e Hetimit Doganor gjetën në terminalin e pasagjerëve Stamboll-Tiranë telefonat, të cilët nuk ishin deklaruar nga pasagjeri me iniciale K.B.

Autoritetet doganore kapin në Rinas 184 celularë kontrabandë.

Strukturat e Hetimit Doganor në bashkëpunim me Degën Doganore Rinas gjatë kontrollit të ushtruar në terminalin e pasagjerëve në Degën e Doganës Rinas të linjës Stamboll – Tiranë të kompanisë ajrore “Pegasus Air”, u konstatuan një sasi prej 184 celularësh të markave “Iphon” dhe “Samsung” pa deklaruar nga shtetasi K.B.

Sasia e padeklaruar u sekuestrua dhe shtetasi i mësipërm u arrestua në flagrancë për veprën penale të “Kontrabandë me mallra të tjerë , parashikuar nga neni 174 i K.Penal. Vlera e detyrimit doganor të shmangur dhe penaliteti kapin një vlerë prej 3 185 364 lekë.

Materialet proceduriale i kaluan Prokurorisë pranë Gjykatës së Shkallës së Parë, Tiranë, për veprime të mëtejshme