I ngjashëm Astrit Veliaj me Arben Ndokën? Basha ia kthen gazetares: Aq sa TV yt me një skaf droge.

Kryetari i Partisë Demokratike, Lulzim Basha ishte në një deklaratë për shtyp mesditën e sotme ku foli për disa çështje.

Pas problemit me aktorët në Teatrin Kombëtar, vonesat e pagave të pedagogëve apo bandat e krimit, Basha u pyet nga gazetarët edhe për deputetin e Beratit, Astrit Veliaj.

Pasi u pyet nga gazetarja se nëse ka gjë të ngjashme mes deputetit Astrit Veliaj dhe Arben Ndokës të PS-së, Basha u përgjigj me ironi duke thënë: “S’kanë lidhje fare, ata ngjajnë aq sa ngjan televizoni juaj me një motoskaf droge”.

Arben Ndoka është ish-deputeti i PS-së, që dorëzoi mandatin pas ligjit të dekriminalizimit.