Në Bruksel ka nisur një takim i përbashkët i kryeministrave të shteteve të Ballkanit, i organizuar nga shefja për diplomaci e Bashkimit Evropian, Federica Mogherini.

Në këtë tubim joformal, darkë pune do të flitet për gjendjen në rajon, por edhe për perspektivën e anëtarësimit në Bashkimin Evropian.

Zëdhënësja e Mogherinit, Maja Kocijançiç, ka publikuar një fotografi para fillimit të këtij takimi, ku shihet shefja e diplomacisë evropiane, bashkë me shefin e ekzekutiv kosovar, Ramush Haradinaj, dhe homologët e tij nga Shqipëria, Serbia, Maqedonia, Mali i Zi dhe Bosnja e Hercegovina.

Para takimit, Mogherini ka pritur veç e veç në takime të gjithë udhëheqësit e vendeve të Ballkanit. 

Takimi në Bruksel shënon rastin e parë të takimit të Haradinajt me një kryeministër të Serbisë.