Sot në orën 07:13 me orën greke, rrjeti sizmologjik regjistroi një tërmet me magnitudë 5.2 të shkallës Rihter në detin e Kretës.
Sipas Institutit Gjeodinamik, epiqendra e tërmetit ka qenë në zonën detare 30 km në jug-juglindje të qytetit të Zakros, në prefekturën e Lasithit dhe thellësia fokale ka qenë 4.7 km.
Nuk janë raportuar dëme nga tërmeti 5.2 Rihter në zonat e Kretës juglindore ku ishte dhe epiqendra, tha kryetari i bashkisë Sitia, Giorgos Zervakis, duke folur për një radio të njohur.
Kryebashkiaku shtoi se vibrimi ishte i dukshëm, “ka gjithmonë një shqetësim tek banorët, por e vërteta është se jemi mësuar”.
