IndiGo bëhet linja ajrore e parë që lejon gratë të mos ulen pranë burrave.
Një nga linjat ajrore më të mëdha të Indisë është vendosur të publikojë një veçori të re rezervimi që lejon pasagjerët femra të zgjedhin pasagjerët e tyre në sediljen fqinje të avionit.
Nga gushti, IndiGo do t’i lejojë gratë të kontrollojnë gjininë e pasagjerëve të tyre në fluturim përpara se të rezervojnë. Do të ketë gjithashtu opsionin e zgjedhjes së një ndenjëse pranë një pasagjereje femër nëse ato preferojnë.
“IndiGo është krenare të njoftojë prezantimin e një veçorie të re që synon ta bëjë përvojën e udhëtimit më të rehatshme për pasagjeret tona femra ”, tha linja ajrore në një deklaratë.
“Ne jemi të përkushtuar të ofrojmë një përvojë të pashembullt udhëtimi për të gjithë pasagjerët tanë dhe kjo veçori e re është një nga hapat e shumtë që po ndërmarrim për të arritur këtë qëllim”.
Kjo ide lindi nga një studim që IndiGo bëri duke pyetur pasagjeret femra se çfarë do ta bënte përvojën e tyre të udhëtimit më të rehatshme.
