Pasaportat janë ato që na japin mundësinë të udhëtojmë nga një vend në tjetrin, ama disa prej tyre kanë pak më shumë liri. Ekziston një pasaportë që është kaq e rrallë dhe e vështirë për tu gjetur, pasi vetëm 500 persona në botë e disponojnë një të tillë.
Bëhet fjalë për pasaportën e Urdhrit Sovran Ushtarak të Maltës i cili u njoh nga Papa Paschal më 1113, dhe sot është një nga njësitë e pakta sovrane që nuk kanë ndonjë tokë apo territor.
Urdhri pati vëmendjen kryesore ndaj të varfërve dhe mbrojtjes së besimit katolik. Me ndihmën e mijëra vullnetarëve, ata ofrojnë ndihmë për fëmijët, të pastrehët, handikapët, refugjatët, të moshuarit, të sëmurët dhe lebrozët në mbarë botën.
Urdhri gjithashtu mund të hyjë në traktate, të lëshojë pasaportat e veta, monedhat dhe pulla postare, dhe gëzon diçka që quhet "ekstraterritorialitet", që e bën atë një ambasadë në Romë dhe vende të tjera.
