Një debat i ashpër shpërtheu mbrëmjen e kaluar në puntatën e radhës të spektaklit të Big Brother VIP mes Einxhel Shkira dhe Donald Veshajt. Ata hapën përplasjen që kanë pasur me njëri-tjetrin jashtë shtëpisë.
Moderatorja e njohur dhe aktori i humorit kanë punuar bashkë për një projekt dhe duket se gjërat mes tyre nuk kanë shkuar aspak mirë.
Einxhel e akuzoi Donaldin dhe të vëllain e tij, Romeon, se e kanë hequr nga puna. Madje ajo nuk e la me kaq, pasi shtoi se nuk i ka dhënë lekët.
Donaldi nga ana tjetër bëri akuza të rënda ndaj Shkirës, duke i thënë se nuk ishte aspak e disiplinuar në punë.
Teksa debatonin me njëri-tjetrin, Einxhel dhe Donald nuk lanë pa përmendur edhe emra të tretë apo televizionet ku kanë punuar më parë.
Një ndër emrat që përmenden është ai i aktores së njohur, Mariana Kondi, e cila ka qenë pjesë e projektit të përbashkët të Shkirës dhe Veshajt.
Mariana ka reaguar përmes një postimi në “Instastory” ku shkruan fare shkurt: “Pa fjalë”.
