Kryetari i Partise Demokratike Lulzim Basha zhvilloi nje bisede telefonike me Ndihmëssekretaren amerikane te Shtetit, Viktoria Nuland e cila shprehu përgëzimet e saj për arritjen e marrëveshjes për reformën në drejtësi.
“Me qëndrimet dhe veprimet e tua ke dëshmuar se je një patriot për vendin dhe interesat e tij iu drejtua Nuland, Bashës”, thuhet ne komunikaten e shperdare nga PD.
Ndihmessekretarja amerikane me tej theksoi se ky sukses nuk do të kishte qene i mundur pa lidershipin e treguar nga Basha.
Kryetari i Partisë Demokratike shprehu mirënjohjen e thellë për ndihmën vendimtare të Nuland per arritjen e konsensusit dhe për vëmendjen dhe mbështetjen e palodhur e të jashtzakonshme të treguar që në ditën e parë të këtij procesi e deri në finalizimin e tij.
Basha shprehu vleresimin e jashtezakonshem dhe mirënjohjen për Ambasadorin Donald Lu i cili ka luajtur një rol kyç ne këtë proces te gjate, te mundimshem dhe te veshtire.
Basha theksoi se ky proces historik u mbyll me sukses, dhe duke garantuar standartet me te larta pikërisht nga mbështetja e Shteteve të Bashkuara të Amerikës, që edhe një herë iu gjenden në krah Shqipërisë dhe shqiptarëve, si në ngjarjet e tjera madhore që nga shtetformimi, anëtarësimi në NATO dhe pavarësia e Kosovës.
“Sfida e ardhshme e zgjedhjeve te lira dhe te ndershme do te kerkoje po keshtu nje angazhim dhe mbeshtetje te madhe te SHBA”, theksoi kryetari i opozites, i cili ka marre garancine nga Nuland per mbeshtetjen e SHBA.
