Numri i civilëve të vrarë në Rripin e Gazës po rritet me shpejtësi ndërsa Izraeli vazhdon bombardimet dhe operacionet tokësore, tha të hënën kreu i Agjencisë së Kombeve të Bashkuara për Ndihmën dhe Punën për Refugjatët Palestinë (UNRWA). “Rifillimi i operacionit ushtarak dhe zgjerimi i tij më tej në Gazën jugore po përsërit tmerret e javëve të kaluara”, tha në një deklaratë komisioneri i përgjithshëm i UNRWA, Philippe Lazzarini.
“Numri i civilëve të vrarë po rritet me shpejtësi. Më së shumti vuajnë civilët, duke përfshirë burra, gra, fëmijë, të moshuar, të sëmurë dhe persona me aftësi të kufizuara.” Ai shtoi se një urdhër tjetër evakuimi për të zhvendosur civilët nga Khan Younis në Rafah në Gazën jugore për shkak të bombardimeve të vazhdueshme të Izraelit “krijoi panik, frikë dhe ankth”.
Lazzarini tha se të paktën 60,000 njerëz u detyruan të shpërngulen në një “strehimore tashmë të mbipopulluar të UNRWA-s, me të tjerë që kërkojnë të strehohen. Shumë prej tyre tashmë janë zhvendosur më shumë se një herë duke ikur nga lufta në pjesë të tjera të Gazës.”
Sipas agjencisë, UNRWA aktualisht po strehon më shumë se 1.2 milionë njerëz në strehimore, duke përfshirë në Gazën jugore. “Urdhri i evakuimit i shtyn njerëzit të përqendrohen në atë që është më pak se një e treta e Rripit të Gazës. Ata kanë nevojë për gjithçka: ushqim, ujë, strehim dhe kryesisht siguri. Rrugët në jug janë të bllokuara,” tha Lazzarini, duke vënë në dukje se aksesi në uji është i kufizuar në Gaza.
