Ministri i Arsimit i Francës tha se rreth 300 studentë ndoqën shkollën të hënën të veshur me abaja, rrobën e gjatë myslimane e ndaluar në shkolla javën e kaluar.
Shumica e vajzave ranë dakord të ndërronin rrobat, ndërsa 67 nxënës që refuzuan të zbatonin u larguan nga shkolla. Sipas Ministrisë franceze të Arsimit, do të ketë një periudhë dialogu me familjet e tyre dhe nëse kjo dështon, ata do të përjashtohen nga shkolla.
Sipas shifrave zyrtare, 298 vajza, kryesisht të moshës 15 vjeç e lart, u paraqitën në shkollë me veshje të ndaluara.
Duke u bazuar në udhëzimet e Ministrisë, në çdo rast është ndjekur një dialog me stafin e shkollës. Shumica e vajzave më pas pranuan të visheshin ndryshe dhe mundën të fillonin mësimet.
Në fund të gushtit, ministri i arsimit njoftoi se nxënësve do t’u ndalohet të veshin rrobat e gjera të gjata të veshura nga disa vajza myslimane në shkollat shtetërore franceze në fillim të vitit të ri shkollor më 4 shtator.
Franca ndalon rreptësisht simbolet fetare në shkollat shtetërore dhe ndërtesat qeveritare, duke argumentuar se ato shkelin ligjet laike. Përdorimi i shamive është ndaluar që nga viti 2004 në shkollat shtetërore.
Masa vjen pas muajsh debati mbi përdorimin e abajas në shkollat franceze. Veshja vishet gjithnjë e më shumë në shkolla me partitë e krahut të djathtë që kërkojnë një ndalim, ndërsa e majta ka ngritur shqetësime për të drejtat e grave dhe vajzave myslimane.
