Ish-kryeministri, Sali Berisha, komentoi këtë të hënë në mbledhjen e grupit parlamentar të PD-së, deklaratën e kryeministrit Edi Rama, i cili tha se Ballkani i Hapur, e ka kryer misionin e tij.
Berisha tha se kreu i qeverisë mori këtë vendim pasi “i nxorën kartonin e kuq”, ndërsa shtoi se tashmë do të fillojë një kohë e re.
“Ballkani i Hapur bllokoi rezolutën e genocidit, serb. Falimentuan me mijëra ferma e sipërmarrje, dhe tani përfundoi si një nismë antieuropiane dhe pasi i nxorën kartonin e kuq, Rama thotë se “Ballkani i hapur u mbyll”, megjithëse fillon kohë e re sepse padroni i tij në Ballkan tha: “Nuk u besova veshëve të mi, e tha këtë apo jo argati im”.
Rezoluta e genocidit serb, Rama e bllokon prej 1 viti. Si një argat i Vuçiçit e bllokoi, i cili në një akt armiqësor ndaj Kosovës, ndaj kombit shqiptar, e bllokoi në kuadër të Ballkanit të Hapur. Jeni dëshmitar se si nga tetori i 2019, 4 vite me radhë u bë zelltar kryesor, i projektit antishqiptar dhe antieuropian të Vuçiçit, projekti i vendosur të hegjemonisë serbe, Jugosllavi e re plus Shqipëri. Aleanca krijoi përçarje të madhe në rajon, kishte për qëllim kryesor gllabërimin e Kosovës, e paraqitën si territorit të integruar në atë të Serbisë. Rama kalonte nga samite në samit duke u dhënë mend evropianëve se kjo ishte nismë më e mirë se Procesi i Berlinit.
U thoshte se nuk arriti të kuptoni. Dy persona mbështesin fuqishëm këtë projekt, Lavrov dhe Soros.
Ballkani i Hapur bllokoi rezolutën e genocidit, serb. Falimentuan me mijëra ferma e sipërmarrje, dhe tani përfundoi si një nismë antieuropiane dhe pasi i nxorën kartonin e kuq, Rama thotë se “Ballkani i hapur u mbyll”, megjithëse fillon kohë e re sepse padroni i tij në Ballkan tha: “Nuk u besova veshëve të mi, e tha këtë apo jo argati im”,”- tha Berisha.
