Me rastin e 100-vjetorit të lindjes së kantautorit napoletan, Sergio Bruni është organizuar në amfiteatrin e Durrësit koncerti “Canta Napoli in Albania”.
Ky aktivitet mbylli mbrëmë natën e parë me pjesëmarrjen e grupit napoletan “Calima” dhe këngëtareve durrsakë, të cilët kënduan dhe luajtën këngë klasike napoletane dhe shqiptare duke ndërthurur kulturën napoletane dhe atë durrsake.
Në koncert performuan:
- Marcelo Basile – Këngëtar, kitarë & mandolinë
- Massimo Capocotta – Fizarmonikë
- Raffaele Cardone – Mandolinë & kitarë
- Luljeta Strefi – Këngëtare
- Alban Kamenica – Këngëtar
- Kosta Bonshi – Këngëtar
Ndërkohë, mbrëmja e dytë e aktivitetit do të mbahet sonte, në ambientet e amfiteatrit të Durrësit, në orën 20:30 për të gjithë artdashësit.
