Një krim brutal është kryer në Turqi në mes të rrugës. 25-vjeçari Mersan Koce, vrau ish-bashkëshorten dhe babanë e saj.
Vrasja është regjistruar nga kamera e një celularit. Në video shihet se 25-vjeçari ka ndalur makinën e tij para mjetit ku ndodhej ish-bashkëshortja e tij, Bilge Kaya, dhe përleshet me babanë e saj, i cili përpiqej t’i marrë kallashnikovin që po mbante në duart e tij.
Gjatë zënkës, mesditën e së premtes, 25-vjeçari shihet duke qëlluar drejt makinës në të cilën ndodhej ish-bashkëshortja e tij dhe sekonda më pas qëllon ish-vjehrrin.
Tüyleri diken diken eden olay Gaziantep’te meydana geldi. Mertcan Köse (25) boşandığı eşi Bilge Kaya (25) ve kayınpederi Ertuğrul Kaya’yı (47), av tüfeğiyle katletti. Katliam anının görüntüleri ise bugün ortaya çıktı. Korkunç anlar kameralara böyle yansıdı. pic.twitter.com/ZfWdEjm3dk
— Derincemiz Gazetesi (@derincemizhaber) June 18, 2023
25-vjeçari më pas shkon drejt makinës dhe qëllon sërish ish-gruan e tij. Sipas mediave turke, vrasja ka ndodhur menjëherë pas vendimit të gjykatës ku i dha kujdestarinë e fëmijës 4 muajsh nënës.
Babë e bijë dhanë frymën e fundit në spital ku u dërguan të plagosur rëndë, ndërsa 25-vjeçari u largua nga vendi i vrasjes. Më pas policia turke, arrestoi 25-vjeçarin dhe tashmë akuzohet për dy vrasje.
Mediat turke po publikojnë foto të vrasësit 25-vjeçar duke pozuar me një armë që mund të ketë qenë ajo që ka përdorur në vrasjen e dyfishtë.
