Zbulohen të tjera detaje nga atentati i pak minutave më parë jashtë ambienteve të një lokali në Lungomaren e Vlorës.
BalkanWeb raporton se atentati i është bërë 36-vjeçarit Renato Omeri, baba i tre fëmijëve që në Vlorë e njihnin me emrin “Reni”.
Dyshohet se vrasja ka lidhje me një ngjarje tjetër kriminale të ndodhur dy vite më parë, në afërsi të portit të Durrësit, ku ka mbetur i vdekur nipi i viktimës, që jetonte pikërisht në pallatin ku sot në mbrëmje kanë ekzekutuar “Renin”. Në vrasjen e nipit dyshohet se Renato ka qenë dëshmitar.
Mësohet se viktima kishte shkuar sot për vizitë tek motra e tij, por personat i kanë zënë pritë dhe e kanë qëlluar.
Policia por edhe FNSH-të kanë mbërritur në vendngjarje dhe kanë nisur hetimet për të rënë në gjurmët e autorëve. Ata janë duke mbledhur ende prova në vendngjajre dhe kanë ngritur një perimetër sigurie. Nga të dhënat e para, mësohet se autorët kanë lëvizur në këmbë, dhe pasi kanë qëlluar 36-vjeçarin janë larguar në drejtim të Ujit të Ftohtë me një makinë.
