Sipas Meteoalb, vendi këtë të hënë do të mbizotërohet nga alternime kthjellimesh dhe vranësirash duke sjellë mot të qëndrueshëm në të gjithë vendin, por nuk përjashtohet mundësia për reshje, sidomos në zonat malore.

Temperaturat do të kenë një rritje të lehtë ku do të variojnë: në zonat malore, nga 14°C në 26°C, në zonat e ulëta nga 21°C në 30°C dhe në zonat bregdetare nga 24°C në 31°C.

Era do të fryjë në drejtim Verior -Veriperëndimor ndërsa forca e valëzimit në det do të jetë 3 ballë.