Paraditja do të paraqitet me kthjellime të shkurtra dhe vranësira të shpeshta në zonat Jugore e Qendrore, ndërsa vranësira të dendura dhe shira të dobëta do të ketë në Veri të vendit. Pjesa e dytë e ditës fuqizon vranësirat në territorin shqiptar duke shtuar shirat fillimisht në Veri dhe gradualisht në mbrëmje dhe gjatë natës, shirat përfshijnë pjesën më të madhe të Shqipërisë.

Sipas MeteoAlb, temperaturat e ajrit mbeten konstante gjatë mëngjesit por rënie me 1-2°C sjellin orët e mesditës në të gjithë territorin. Era do vijojë të fryjë mesatare me shpejtësi 40 km/h nga drejtimi Jugperëndimor duke gjeneruar në det dallgëzim 3 ballë.

Temperaturat minimale dhe maksimale të ajrit pritet të arrijnë:
në bregdet: 10 °C / 18 °C
në vendet e ulëta: 8 °C / 16 °C
në vendet malore: 5 °C / 13 °C.