Deputetët spanjollë kanë qenë në gjendje t’i drejtohen parlamentit në gjuhën baske, katalanase dhe atë galike për herë të parë pasi qeveria e përkohshme e udhëhequr nga socialistët ra dakord me kërkesat e partive më të vogla që tre gjuhëve rajonale t’u jepet statusi zyrtar parlamentar.
Ndryshimi, i cili synon të ndihmojë në “përparimin në rrugën e pluralitetit gjuhësor”, u kërkua nga partitë pro-pavarësisë katalanase te të cilat kryeministri në detyrë, Pedro Sánchez, po mbështetet për të formuar një qeveri të re pas zgjedhjeve të korrikut.
Masa, e cila do të jetë subjekt i një votimi zyrtar të enjten, është mirëpritur nga disa parti, por është kritikuar nga partia konservatore Popullore dhe partia e ekstremit të djathtë Vox.
Deputetët e Vox nuk fsheh pakënaqësinë e tyre duke u larguar menjëherë nga salla e parlamentit spanjoll në shenjë proteste.
Gjuha galike ishte gjuha e parë bashkë-zyrtare që u fol të martën në mëngjes, kur deputeti socialist José Ramón Besteiro, i cili vjen nga qyteti veriperëndimor i Lugos, u tha ligjvënësve të tjerë se ishte një “nder i dyfishtë” të festonte “pasuritë kulturore dhe gjuhësore” të Spanjës.
Sipas shifrave zyrtare spanjolle, 9.1 milionë njerëz flasin gjuhën katalanase, 2.6 milionë atë galike dhe 1.1 milionë gjuhën baske.
