Pas dekadash pritjeje, fansat e ABBA-ve, të vjetër e të rinj janë në delir: supergrupi suedez i popit bëri një rikthim të shumëpritur me albumin e ri “Voyage”, dhe duket se s’ka dyshime se suksesi për ta, do të jetë i garantuar.
Ndarja e tyre gati 40 vite më parë shkaktoi një tërmet të vërtetë në botën e muzikës. Përgjatë gjithë kësa periudhe, Agnetha Falstkog, Bjorn Ulvaeus, Benny Andersson dhe Anni-Frid Lyngstad – që bashkë formojnë akronimin ABBA – nuk kishin nxjerrë ndonjë këngë të re.
“Voyage”, me 10 këngë të reja, u nxor në mesnatë, në zona të ndryshme kohore.
ABBA ka njoftuar në shtator se do të ribashkohet dhe se do të nxjerrë albumin e ri.
I formuar në vitin 1972 në Stokholm, grupi është bërë i njohur globalisht pasi ka fituar festivalin evropian të këngës, Eurovision, në vitin 1974, me këngën “Waterloo”.
