Lady Gaga ka folur për lidhjen e saj shumë të afërt me Bradley Cooper.
Lady Gaga ka thyer heshtjen teksa më në fund iu është përgjigjur thashethemeve nëse ajo dhe Bradley Cooper kanë përjetuar ndonjë romancë, gjatë xhirimit të filmit “A Star is Born” apo gjatë ndarjes së çmimeve Oscar.
Lady Gaga u shfaq në emisionin Jimmy Kimmel, ku ndër të tjera u shpreh se mediat sociale janë “tualeti i internetit”.
“Kjo ishte ajo që ne dëshironim të shikonit. Është një histori dashurie dhe ne punuam kaq shumë të dukej reale. E dija që ai e kishte vizionin sesi do të shkonin gjërat”, tha Gaga.
Këngëtarja shtoi se Cooper ishte specifik me atë që donte në skenë dhe se si të shfaqeshin para audiencës, duke pohuar se gjithçka ishte e qëllimshme.
