Sekretari amerikan i Shtetit, Antony Blinken në një letër dërguar presidentit serb Aleksandar Vuçiç me rastin e ditës nacionale të Serbisë, ka kërkuar që ky shtet ta njohë pavarësinë e Kosovës.
Blinken thotë se një gjë e tillë do të rriste sigurinë dhe stabilitetin e rajonit të Ballkanit Perëndimor.
“Ne jemi të përkushtuar të mbështesim synimin e Serbisë për integrimin evropian dhe inkurajojmë normalizimin gjithëpërfshirës të marrëdhënieve me Kosovën të përqendruara në njohjen reciproke, e cila do të nxisë siguri dhe stabilitet më të madh në rajon”, ka shkruar në letrën e tij Anthony Blinken.
