Pas grabitjes së pak minutave më parë në Durrës, një tjetër rast është shënuar në Fushë-Krujë.

Dy persona me maska, kanë grabitur makinën tip ‘Benz’ me targa AA046TA, në Thumanë, rreth orës 21:30 të kësaj të shtune.

Teksa makina ishte në ecje e sipër, grabitësit i kanë bllokuar rrugën dhe e kanë zbritur më forcë shoferin  nga automjeti.
 
Pas grabitjes, personat e maskuar kanë marrë mjetin dhe janë larguar. 
 
NJOFTIMI I POLICISË
 
Më datë 12.01.2019, në aksin rrugor pranë Thumanës, shtetasit A.K., i cili kishte ndalur mjetin në rrugë dhe e kishte lënë ndezur, persona ende të paidentifikuar i kanë marrë nën kërcënim makinën dhe janë larguar.
 
Grupi hetimor po punon për sqarimin e rrethanave të ngjarjes, identifikimin dhe kapjen e autorëve.