Scarlett Johansson dhe Disney kanë arritur një marrëveshje si pjesë e padisë së aktores kundër gjigandit argëtues për zgjedhjen për të publikuar “Black Widow” njëkohësisht në teatro dhe në platformën e transmetimit Disney+.
Sipas mediave ndërkombëtare, kushtet e marrëveshjes nuk u zbuluan, por Johansson kishte kërkuar 50 milionë dollarë kompensim për të ardhurat e humbura të filmit.
“Jam e lumtur që kam zgjidhur mosmarrëveshjet me Disney. Unë jam jashtëzakonisht krenare për punën që kemi bërë së bashku gjatë viteve dhe kam shijuar vërtet marrëdhënien time krijuese me ekipin. Mezi pres të vazhdoj bashkëpunimin tonë në të ardhmen”, komentoi aktorja.
Teksa deklarata e saj u mbështet edhe nga Alan Bergman, president i Disney Studios i cili shtoi se ndihej i lumtur me marrëveshjen reciproke të arritur me Scarlett Johansson në lidhje me “Black Widow” dhe se mezi pret të punojë së bashku me aktoren edhe në projekte të ardhshme.
