Është rënduar bilanci i aksidentit tragjik të ndodhur në Siçili, pasi ka ndërruar jetë edhe shqiptari tjetër, drejtuesi i automjetit që u përplas me një kamion të ngarkuar me fruta dhe perime pak ditë më parë.
Pas katër ditësh agoni, zemra e Tili Pilincit, 39 vjeç, pushoi së rrahuri në njësinë e kujdesit intensiv të spitalit Villa Sofia në Palermo. Pilicini ishte drejtuesi i automjetit që u përplas me një kamion në orët e para të mëngjesit të së hënës, ku për pasojë humbi jetën në vendin e ngjarjes pasagjeri Flori Topalli, 24 vjeç.
Tili Pilinci luftoi pa u lodhur për katër ditë. I shtruar në spital në gjendje të rënduar, ai u transferua nga spitali Barone Lombardo në Canicattì në Villa Sofia në Palermo, ku mjekët ruanin gjithmonë një prognozë konfidenciale për jetën e tij.
Punëtorët shqiptarë që ndodheshin në makinën e aksidentuar jetonin në Canicatti dhe Naro. Të rinjtë, të moshës 24 deri në 39 vjeç, ishin të angazhuar në punë sezonale bujqësore. Të hënën në mëngjes, pak para agimit, ata po udhëtonin drejt punës kur ndodhi aksidenti fatal në autostradën Naro-Camastra ku makina e tyre u përplas në orët e para të mëngjesit të 1 marsit me një kamion që transportonte fruta-perime.
