News24 ka siguruar deklaratat e pasurisë së Alda Klosit që nga dita kur ajo është emëruar në administratën e lartë shtetërore në 2016-n, si drejtore në Ministrinë e Financave.
Atë vit zonja Klosi kishte një pasuri modeste, bashkëpronare me të shoqin Altin Klosi në një apartament prej 47m2 katrorë në Tiranë, me vlerë 2,5 milionë lekë, një automjet Toyota Yaris i vlerësuar 180 mijë lekë dhe disa llogari bankare me vlera të ulëta ose të papërfillshme, prej 7 eurosh apo 3,8 dollarësh.
Ndërsa i bashkëshorti kishte dhe një truall prej 1000 m2 katrore në periferi të Tiranës me vlerë 9 milionë lekë, ku përfshihet dhe një ndërtim prej rreth 90 m2.
Një vit më pas Alda dhe Altin Klosi blenë një apartament në Tiranë prej 72 metrash katrorë me vlerë rreth 32 mijë euro, financuar pjesërisht nga një kredi prej 2 milionë lekësh, 950 mjië lekë të tjera i kanë marrë borxh dhe nga një garanci financiare të një prone me qira.
Në vitet e tjera pasuria e Alda Klosit nuk ka pësuar ndryshime të mëdha. Por në vitin 2021 Alda Klosi tashmë e divorcuar papritur bëhet e pronare e dy apartamenteve banimi në Lezhe, me vlerë gati 8 milionë lekë që të dy.
Po në këtë vit Alda Klosi shlyen kredinë e marrë në 2017-n për blerjen e apartamentit në Tiranë, dhe bëhet pronare me te drejta të plota.
Kurse në vitin e fundit 2022 Alda Klosi deklaron se ka përfituar tre pasuri si trashëgimi ligjore nga familja. Por teksa ka deklaruar pronat e marra nga trashëgimia, ajo nuk ka bërë asnjë deklaratë për të paktën 120 mijë eurot e vjedhura në shtëpi. Megjithëse thotë se shuma e vjedhur është për kurimin e xhaxhait, ajo kishte si detyrim ligjor ta raportonte si gjendje cash në shtëpi. /BW
