Bashkia Roskovec ka njoftuar se dy pjesëtarët e qendrës shëndetësore të qytetit që kishin pasur kontakt me një çift të infektuar me koronavirus, kanë rezultuar negativ pas analizës së kryer.
POSTIMI I PLOTË
Lajmi i mirë mbërriti
Të 2 (dy) pjestarët e stafit të Q.Sh Roskovec që kishin patur kontakt me çiftin nga Mbërsi, rezultuan negativ në testin për #Covid-19.
Masat mbrojtëse dhe higjena maksimale, ndihmuan në arritjen e këtij rezultati.
Nesër ata kthehen në vendin e punës për t’i shërbyer pacientëve dhe gjithë komunitetit
Të gjithë bashkë do ia dalim.
Dy banorë të fshatit Mbërs, burrë e grua janë infektuar me koronavirus, pasi kanë pasur një histori udhëtimi në Itali.
Pas këtij rasti, bashkia u bëri thirrje banorëve që të vetëizolohen, ndërsa për të monitoruar situatën janë vendosur në fshat dy postblloqe policie.
