Kryebashkiakja e Durrësit, Emiriana Sako ka uruar 16-vjetorin e Pavarësisë së Kosovës.
Në mesazhin e saj në rrjetet sociale Sako shpreh nderime dhe mirënjohje për përpjekjet shumëvjeçare të popullit të Kosovës për liri dhe pavarësi.
Postimi i plotë:
l uroj vëllezërve tanë të Kosovës dhe të gjithë shqiptarëve: Gëzuar Pavarësinë e Kosovës.
I përjetshëm qoftë kujtimi i të gjithë atyre luftëtarëve, intelektualëve, veprimtarëve, bijave dhe bijve të kombit tonë që dhanë jetën për këtë ditë.
Nderim dhe mirënjohje për përpjekjet shumëvjeçare të popullit të Kosovës për liri dhe pavarësi, po kështu vlerësojmë mbështetjen e çmuar e të vazhduar të miqve e aleatëve, Shteteve të Bashkuara të Amerikës, NATO-s dhe të gjitha vendeve që kontribuan për këtë ngjarje të madhe për mbarë kombin shqiptar.
