Pasi Partia Bashkimi Demokrat Shqiptar (PBDSH) depozitoi një ankimim në KQZ, duke kundërshtuar regjistrimin e Bindjes Demokratike në zgjedhjet lokale të 30 qershorit, ka reaguar kryetari Astrit Patozi.
Në një postim në Facebook, Patozi shkruan se kjo është një luftë që po bën Lulzim Basha kundër partisë më të re opozitare. "Lulëzim Basha është angazhuar seriozisht në betejën kundër BINDJES DEMOKRATIKE, tanimë duke u përpjekur ta pengojë atë që të marrë pjesë në zgjedhje."
POSTIMI I PLOTË
PATOZI REAGON PAS KËRKESËS SË NJË PARTIE FANTAZËM PËR ÇREGJISTRIMIN E "BINDJES" NGA ZGJEDHJET
Lulëzim Basha është angazhuar seriozisht në betejën kundër BINDJES DEMOKRATIKE, tanimë duke u përpjekur ta pengojë atë që të marrë pjesë në zgjedhje.
Ndërkohë që për të gjithë demokratët shqiptarë kundërshtar mbetet Edi Rama dhe qeveria e tij, për Lulzim Bashën kundërshtar është BINDJA DEMOKRATIKE, pasi, me sa duket, atë e shikon si rrezik për karriken e tij.
Përdorimi i disa klubeve me maska për të shantazhuar BINDJEN DEMOKRATIKE, që ajo të shmanget nga gara, do të dështojnë ashtu siç dështoi edhe fushata qesharake e gjetjes së nënshkrimeve të parregullta, të cilat u mblodhën në një kohë rekord.
BINDJA DEMOKRATIKE vazhdon t'i qëndrojë vendimit të saj për të garuar në çdo bashki të vendit, përveç atyre ku mund të rikandidojnë bashkiakë të djathtë në detyrë ose kandidatë të pavarur.
Ajo është në një aleancë të gjerë me demokratët shqiptarë në gjithë vendin, përveç Lulzim Bashës, i cili ndjehet më i kërcënuar nga BINDJA, se sa nga Edi Rama
