Grupi Parlamentar i PD dorëzon në Kuvend mocionin për heqjen e mandatit të deputetit socialist Vullnet Sinaj.
PD akuzon deputetin se në 9 transaksione përfitoi 36 mijë euro nga Buxheti i Shtetit.
“Nga verifikimi i transaksioneve të Drejtorisë së Përgjithshme të Thesarit rezulton se shoqëria BIG LISUS sh.p.k., ka përfituar 132.520 (njëqind e tridhjetë e dy mijë e pesëqind e njëzet) lekë nga Buxheti i Shtetit, përkatësisht nga Gjykata e Rrethit Gjyqësor Lezhë, Qarku Lezhë dhe Federata e Karatesë. Nga verifikimi në regjistrin tregtar të Qendrës Kombëtare të Biznesit, rezulton se shoqëria “BIG LISUS* sh.p.k.. me NIPT 1681065070. është në pronësi të zotit Florian Ndrecaj (24%), zonjës Elona Ndrecai (25%) dhe shoqërisë “BIGALB GROUP” (51%)”. Në vijim të verifikimeve të regjistrit tregtar, shoqëria «BIGALB GROUP” sh.p.k., rezulton se ortak i vetëm është zoti Vullnet Sinaj (100%).
Nga verifikimi i transaksioneve të Drejtorisë së Përgjithshme të Thesarit rezulton se shoqëria “BIG DURRËSI” sh.p.k., ka përfituar 129.958 (njëqind e njëzet e nëntë mijë e nëntëqind e pesëdhjetë e tetë) lekë nga Buxheti i Shtetit, përkatësisht nga Drejtoria Vendore e Kufirit dhe Migracionit Durrës dhe Qendra Ditore e të Moshuarve “, thekson Grupi i PD në kërkesën për mocionin me debat drejtuar kryetares së Kuvendit, Elisa Spiropali.
