Partia Demokratike ka hartuar një rezolutë kundër dhunës në familje, me anë të të cilës kërkohet të përjashtohen me ligj nga amnistia dhe nga rrethanat lehtësuese gjatë gjykimit, krimet në familje.
Deputetja Albana Vokshi bën publike kërkesën dhe mes firmëtarëve për marrjen e masave urgjente është edhe Kryetari i PD-së Lulzim Basha.
Sipas Vokshit, “këto janë ditët, kur ne nuk duhet të heshtim, por të reagojmë kundër dhunës qeveritare, që fillon nga Kryeministri edhe përhapet si epidemi në të gjitha format e saj në çdo institucion”.
REZOLUTA:
*Qeveria s’ka ndërtuar asnjë mekanizëm efikas për parandalimin e dhunës në familje. Mbikëqyrje e fortë parlamentare dhe trajtim të denoncimeve për dhunën në familje.
*Brenda 15 ditëve Kuvendi krijon Komision të Posaçëm për trajtimin ligjor të fenomenit. Brenda 60 ditëve qeveria të bëjë analizën, të paraqesë të dhënat, të krijojë regjistrin kombëtar për dhunën në familje.
*Përcaktim me ligj të një strukture të vetme përgjegjëse me qëllim parandalimin e dhunës dhe garantimin e mbrojtjes së viktimave. Përjashtim me ligj nga amnistia dhe nga rrethanat lehtësuese gjatë gjykimit për krimet në familje.
*Rishikim për masat mbrojtëse ndaj dhunës në familje për moslejimin e bashkëjetesës në një mjedis të dhunuesit dhe viktimës.
