Partia Demokratike ka reaguar në lidhje me protestën e naftëtarëve.
PD thotë se Policia e Shetit nuk duhet të përdoret ndaj qytetarëve dhe se kryeministri Edi Rama nuk duhet të fshihet pas punonjësve të policisë.
Për opozitën, naftëtarët janë në të drejtën e tyre, ndaj Rama duhet të autorizojë Belinda Ballukun që të presë përfaqësinë e naftëtarëve.
Reagimi i Partisë Demokratike
Policia e Shtetit nuk duhet të përdoret kundër qytetarëve. Naftëtarët janë në të drejtën e tyre për të kërkuar pagat e prapambetura dhe vijimin e punës. Qytetarët nuk mund të shfrytëzohen, të mos paguhen dhe, në vend të zgjidhjes, të dhunohen nga Policia. Kjo është e turpshme!
Edi Rama nuk duhet të fshihet pas punonjësve të Policisë! Ai duhet të mbajë premtimet që u ka dhënë naftëtarëve. Të autorizojë Belinda Ballukun që të presë përfaqësinë e naftëtarëve!
Qeveria duhet të dëgjojë zërin e naftëtarëve dhe t’u zgjidhë problemin pa vonesa dhe mashtrime të tjera.
Policia e Shtetit nuk duhet të jetë përballë qytetarëve, por përballë atyre që e vjedhur Rafinerinë e Ballshit.
