Ky është Altin Aluku, 39 vjeçari nga Kashari që 5 ditë më parë ekzekutoi me kallashnikov ish-vjehrrin Lutfi Xhaferri dhe plagosi në dorë bashkëshortën e viktimës, Naime Xhaferrin.
Në sallën e gjyqit, ai shprehu pendesë për krimin duke pretenduar se ishte i dehur në momentin e vrasjes. Ai i tha gjyqtarit të gatshëm, se në momentin e takimit me ish-vjehrrin, ky i fundit e kishte fyer. Ndërsa pak ditë para vrasjes, 39 vjeçari i tha gjykatës se Lutfi Xhaferri e kishte rrahur.
Ky pretendim u hodh poshtë nga prorkurori Genc Qana, i cili renditi në mënyrë kronologjike ngjarjen dhe provat e gjetura në vendin ku u ekzkutua Lutfi Xhaferri. Prokurori tha se dyshohet se vrasja është kryer me paramendim, për shkak të prishjes së fejeses mes vajzës së viktimës dhe të dyshuarit Aluku.
Gjykata e Tiranës, pasi dëgjoi palët i caktoi 39 vjeçarit masën e sigurisë “Arrest me burg” deri në përfundim të hetimeve, për akuzën e “vrasjes me paramendim”. Altin Aluku u arrestua mëngjesine hershëm të 18 majit në fshatin Prush, ku edhe Ishte fshehur forcave të policisë.
(ABC News)
