ITALI, 1 prill 2013 – Statujave antike të perëndive Mars dhe Afërdita, të cilat ruheshin në rezidencën e Silvio Berlusconit, u kanë humbur përkatësisht pjesët e penisit dhe duarve, të realizuara me porosi nga ish-kryeministri.
Statujat e Marsit dhe Afërditës, të cilat së bashku formojnë një kompozicion skulpturor unik, datojnë që në vitin 175 pas erës sonë. Ato u gjetën në vitin 1918, ndërkohë që u mungonin disa pjesë të trupit.
Në vitin 2010, Muzeu Kombëtar ku ruheshin statujat në fjalë dha lejen që ato të vendoseshin në afërsi të rezidencës së Berluskonit. Asokohe ish-kryeministri italian kërkoi që statujës së Marsit t’i "rikthehej" penisi, ndërsa statujës së Afërditës duart.
Statujat u kthyen në muze dhe për këtë arsye u vendos që atyre t’u rikthehej pamja fillestare.
/m.b. Agjencia e Lajmeve “Dyrrah”/
